Shpesh jemi të prirur të besojmë se vetëm gjestet e mëdha mund të ndryshojnë shoqërinë tonë. Një mendim ky, fryt i lirisë që sot gëzojmë. Liri për të shfrytëzuar burimet tona, për të menduar dhe besuar. Megjithatë, ka momente historike, vende, madje edhe ditë kur kjo nuk është e mundur. Situata ku guximi shfaqet përmes akteve në dukje të vogla, por në gjendje të thyejnë zgjedhën e urrejtjes. Pikërisht në këtë spektër, mund të përmblidhet historia e Motër Marija Kaletës.
Mundohuni të imagjinoni këtë grua, e detyruar të fshihej, madje edhe të hiqte velin, për t’i mbijetuar regjimit komunist, i cili për 50 vjet e mbajti Shqipërinë nën këmbët e tij. Një diktaturë mizore, e cila u përpoq marrëzisht të influenconte mendimet e njerëzve, duke u munduar të shkatërronte çdo ndërgjegje, duke persekutuar, torturuar dhe vrarë mijëra katolikë, ortodoksë dhe myslimanë. Mundohuni ta imagjinoni ndërsa ecën mes rrënojave të kishave dhe këmbanave, të shkatërruara si pasojë e ideologjisë së verbër të ateizmit të Shtetit, që shumë vende të Evropës Lindore kanë përjetuar në atë periudhë. Provoni, së fundmi, ta imagjinoni të ndaluar, duke lexuar apo dëgjuar moton e ashpër: “Ç’do fashist bartës i një veshjeje klerikale, duhet vrarë me një plumb në kokë dhe pa gjyq”.
Çfarë do të thotë ta ruash besimin, në një kohë kur besimi konsiderohet një krim i dënueshëm me vdekje? Është kjo një pyetje, përgjigja e së cilës është shumë e vështirë, në mos e pamundur në një shoqëri si e jona e cila bazohet në lirinë e ndërgjegjes. Për Moter Marijen (e cila sot është një 85-vjeçare me një mendje mjaft të kthjellët ) do të thotë të ecësh përpara, pavarësisht nga çdo gjë. “Kur unë mendoj për këtë – i tha ajo të dielën e kaluar Papës – më duket e pabesueshme se si ne kemi duruar ato vuajtje të tmerrshme, por unë e di që Zoti na ka dhënë fuqinë, durimin dhe shpresën.”
E njëjta shpresë që mbante në zemrën e saj ajo nënë e re, e cila një ditë e thërret dhe vrapon drejt saj duke i kërkuar të pagëzonte fëmijën që mbante në krahë. Gruaja ishte bashkëshortja e një komunisti. Eshtë e qarte që, në një vend ku gjysma e popullsisë bashkëpunonte me Sigurimin e Shtetit, gjesti i gruas mund të konsiderohej edhe si kurth. Marija i tha asaj se nuk dinte ku të merrte ujë për sakramentin. Megjithatë, nëna, këmbënguli. Në atë moment ndodhi një mrekulli e vërtetë. Marija e pa gruan dhe, pa e ditur se si, ajo kuptoi qëllimin e mirë të saj. “Duke parë besimin e saj unë hoqa sandalen time, sepse ishte prej plastike, me të mora ujë nga një kanal dhe pagëzova fëmijën.”
Imazhi i një murgeshe në arrati nga tmerri, që inauguron jetën e krishterë të një porsalindure duke përdorur këpucën e saj, është befasues. Ajo tregon dramën e atyre viteve, klimën e terrorit përjetuar nga besimtarët dhe martirizimin e mijëra njerëzve, shpesh të spiunuar nga miqtë dhe të afërmit. Por në të njëjtën kohë përcjell vlera të tilla si kurajo, besimi tek të tjerët, dhe solidariteti që është fryt i shpresës për një të ardhme më të mirë.
Sot Shqipëria ka ndryshuar, duke u bërë, siç e quajti edhe Papa, një model i bashkëjetesës paqësore midis grupeve të ndryshme etnike dhe fetare. Jo rastësisht u zgjodh nga Papa Françesku, si kombi i parë evropian që ai do të vizitonte, nga fillimi i shërbesës së tij. Historia e Motër Marijes dhe e mbarë popullit shqiptar, janë një shuplakë morale për ata që ende në këto kohë vazhdojnë të vrasin për interesa dinake, si dhe një mesazh për të gjithë personat e vuajtur: intoleranca dhe shtypja mund të luftohen. Edhe vetëm duke u mbështetur në fuqinë e madhe të dashurisë dhe besimit fetar.
Mons. Tarcisio Isao Kikuchi, attuale Arcivescovo di Tokyo, è stato creato Cardinale da Papa Francesco.…
L’agenzia di stampa Yonhap, citando l’intelligence di Seoul, ha reso noto che, la Corea del…
Il Papa ha incontrato il presidente liberiano Joseph Nyuma Boakai per 20 minuti, evidenziando le…
Nel 2022, l'economia non osservata in Italia è cresciuta di 17,6 miliardi di euro, segnando…
In Portogallo, il tasso di rischio di povertà è salito al 17% tra il 2021…
Una notte di terrore nella provincia di Livorno, tra Campiglia, Venturina e Suvereto, a causa…
Questo sito utilizza i cookies per migliorare l'esperienza dell'utente
Altre informazioni